ESTUDO DO COMPORTAMENTO DA RAZA “CAN DE PALLEIRO”
O sábado, 5 de novembro do 2022, no recinto feiral de Silleda, celebraranse as probas de comportamento para cans da raza Can de Palleiro (CdP). Prazas limitadas.
Acceso restrinxido ós propietarios de exemplares a avaliar, veterinarios e técnicos.
O Club da Raza Can de Palleiro e a Fundación Rof Codina subscribiron un convenio
para que o Servizo de Etoloxía do Hospital Veterinario Universitario, realice un estudo
sobre diferentes aspectos do comportamento canino.
O estudo consta das seguintes fases:
 1o.- Un cuestionario (C-BARQ) validado cientificamente, para cubrir polo
propietario (https://docs .google.com/forms/d/e/1FAIpQLScldMG47awiEdLkL20tvCjnnLmqxjDvasGiqIq5IGrQal-
Pw/viewform?usp=sf_link), sobre o comportamento do
can. Grazas a el obtense os perfís de comportamento da raza e as medidas
fenotípicas de confianza para futuros estudos xenéticos do temperamento.
 2o.- Complementarase o cuestionario, previamente enviado ao Servizo de
Etoloxía, con probas presenciais INDIVIDUAIS de comportamento, tamén
validadas cientificamente, realizadas polas veterinarias especialistas. Neste caso
se expoñerá o can (maior de 12 meses) a diferentes estímulos, durante uns 30
minutos, e se valoraran as súas reaccións.
Cos resultados de ámbalas dúas elaborarase o estudo de cada exemplar e
incorporarase ao estudo xeral da raza. Trátase dunha ferramenta importante
para realizar unha mellor elección dos reprodutores axeitados.
As veterinarias etólogas do HVU Rof Codina, repetirán as probas en distintos
puntos da xeografía galega, para facilitar o maior número de participantes
posibles e darlle máis impacto ao estudo.
VANTAXES DE PARTICIPAR NO ESTUDO DE COMPORTAMENTO DO CdP:
– Colaborar no mellor coñecemento da raza CdP
– Coñecer e entender mellor ao noso can.
– Consultar ás veterinarias dúbidas/problemas do can.
– Recibir consellos para unha mellor educación/adestramento.
– “Diploma de recoñecemento do can que axuda á ciencia”.
Inscribirse: candepalleiro@clubcandepalleiro.com
A VOSA PARTICIPACIÓN E COLABORACIÓN É MOI IMPORTANTE.